SABIDE AI 12 DI LUI 2014

Laut di popul pal sindic di Udin, prof. Furio Honsell, de bande dal Moviment Civic Culturâl Alpin-Adriatic dal Fogolâr Civic e dal Circul Universitari Furlan de Academie dal Friûl direzûts dal prof. Alberto Travain, pai riferiments a lis tradizions di un Udin “Aquilee Gnove” pandûts tal salût de fieste dai Sants Patrons aquileiês/udinês Macôr e Fortunât ai 12 di Lui 2014. “In clâf laiche, chê e varès di sei la fieste di Udin ‘capitâl’ intun sens regjonâl e ‘euroregjonâl’ – al à marcât Travain – che il leam cu la metropul alpine-adriatiche antighe di Aquilee al è rivât al pont di incrosâ fintremai i Sants Patrons. Principis, chei ca, di rionziju e di tornâju a inviulâ tes viodudis sociâls, culturâls e politichis, par incressi ancjemò la idee fondade di un centri dal Friûl cun tradizions di piçule capitâl internazionâl, no di puar storic bastion di confins oltrans!”. A Messe Grande tal domo fat tirâ sù dal Patriarcje Beltram, vescul sassinât jù pe Ete di Mieç propit parcè che lu incolpavin, fra tantis, di volê stramudâ di Aquilee a Udin lis relicuiis dai Sants Patrons, ancje chest an culì a son convignudis delegazions cui segnacui dai cinc “cuintîrs” o comitâts teritoriâi dal Fogolâr Civic, dutun cun diviersis rapresentancis des associazions e de societât civîl dongjelaltris: dal Club UNESCO di Udin al Istitût nazionâl talian dal Galon Turchin, de Confraternite dal Crist a la Associazion dal Antîc Bordolee insin al Coordenament Citadin dal Borc de Stazion di Udin, presint cu la sô bandiere in ricuart de sô deane Francesca De Marco recuie, muarte di resint. “Dîs agns indaûr sù par jù, pe Messe dai Patrons in Domo a rivavin nome che doi confenons vâl a dî chel istituzionâl dal Comun e chel popolâr dal Fogolâr Civic. “O sin stâts pionîrs, partant, ancje in chest!” al à batût il prof. Travain. Tes rapresentancis dal Moviment, a jerin juste ancje i conseîrs gjeom. Sergio Bertini, prof.e Renata Capria D’Aronco, siore Marisa Celotti e siore Jole Deana; dai banderârs, a jerin po lis sioris Laura Nazzi, Luigina Pinzano, Elvia Tosolini, Mirella Valzacchi e Gianna Zuccolo, in plui dal vessilîr gjenerâl sâr Gianfranco Passone, cu la bandiere chê aquileiese.