DOMENIE AI 11 DI SETEMBAR 2016

Domenie ai 11 di Setembar 2016, il moviment civic culturâl alpin-adriatic dal Fogolâr Civic si à dât dongje a Udin sot dai puartis dal Caffè Contarena par memoreâ, che lu fâs ogni an, l’inovâl de bataie di Viene dal 1683 e brindâ sul onôr di cui che in chel scuintri famôs alì e ancje jù pai secui al à tant batût e sacrificât in difese de civiltât europeane comune. “No sarìn nô Furlans chei che si dismentein di chê volte ai 11 di Setembar che un nestri paisan culì de regjon, l’innomenât frari predicjadôr Marc di Davian, al à fat il meracul di meti adun Stâts e esercits de Europe e di menâju a vinci cuintri dal Turc,che aromai al vignive indevant potenton fintremai propit tal cûr dal Continent!” al à motivât il prof. Alberto Travain, dean dal Fogolâr Civic e ancje juste dal circul universitari furlan de Academie dal Friûl.