“O sintìn, o scoltìn e o pandìn un marum sincîr pe dipartide di chel prof. Ioan che prin di dut lu vin preseât pal so gaiôs e simpri plui râr garbeç e pe pronte atenzion a lis dibisugnis e ai domandaments dal Citadin oltri che pal rispiet sigûr sclet pal impegn civic volontari. Sot votazions al veve ancje firmât, insiemit cul so concorent candidât sindic prof. Honsell, l’intent proponût dal Fogolâr Civic di rignuvî il Renc citadin vâl a dî la assemblee antighe gjenerâl dal popul di Udin pastanade dal Patriarcje Beltram. Po ben, cumò ai 29 di Setembar, cuant che passâts 502 agns, di gnûf, il Renc popolâr al tornarà a dâsi dongje, simpri di iniziative dal Fogolâr Civic, nol podarà no vee di preambul un minût di cidin rispiet in so onôr”. Ve mo la note cun ce che al à dit di coment il dean dal Moviment Civic Culturâl Alpin-Adriatic dal Fogolâr Civic e ancje ben dal Circul Universitari Furlan de Academie dal Friûl, cun di plui delegât dal Club Unesco di Udin pe Formazion Civiche e pe Citadinance Ative, prof. Alberto Travain, in cont de muart dal conseîr comunâl udinês prof. Adriano Ioan, compartint la stime pe persone prin di dut cu la puartevôs dal Coordenament citadin dal Borc de Stazion di Udin, siore Laura Paviotti, in ricuart dal spindisi di chel sorestant par chê particolâr bande di citât. “Devant de sô bare, duncje, al funerâl, si plearan lis bandieris plui significativis dal civisim culturâl udinês, tant che al merete il ricuart di un sorecjâf di part politiche bon di preseâ sore nuie il valôr dai siei citadins”.
EuroAquileienses
+ NOTIS DI LIBARE CULTURE CIVICHE DAL CÛR FURLAN DE MITTEL-EUROPE / NOTE DI LIBERA CULTURA CIVICA DAL CUORE FRIULANO DELLA MITTELEUROPA / NOTES OF FREE CIVIC CULTURE FROM THE FRIULIAN HEART OF CENTRAL EUROPE +
