Note FOGOLÂR CIVIC pe stampe taliane – Udin, 3 Avrîl 2021
UNA CAREZZA CHE NON TI ASPETTI: QUANDO LA PICCOLA PATRIA SI FA PER TE FOCOLARE
Lettera ai friulani dal presidente di Academie dal Friûl e Fogolâr Civic, prof. Alberto Travain, per il 944° di fondazione del loro Stato autonomo e nella tradizione peculiare locale di un Sabato Santo volto al bene universale.
“Let’s dedicate ourselves to what the Greeks wrote so many years ago: to tame the savageness of man and make gentle the life of this world”: ecco il passo del discorso del senatore Robert Kennedy ad Indianapolis, il 4 aprile 1968, che ha ispirato la “Letare in marilenghe al popul de Furlanie scrite dal prof. Albert Travain di Udin, dean dal Circul Universitari Furlan “Academie dal Friûl” e dal Moviment Civic Culturâl Alpin-Adriatic “Fogolâr Civic”, in ricuart dai 944 agns de Patrie dal Friûl, ai 3 di Avrîl 2021, la dì di Sante Sabide” ed intitolata “Une cjarece che no tu ti spietis: cuant che la tô int ti ten di famee”. A seguire, il testo nella forma originale. “Furlans! “Impegnìnsi su ce che i Grêcs a scrivevin tancj agns indaûr: gjavâ l’Om dal salvadi e inzentilî chest mont” al à dit Bob Kennedy ai citadins de sô grande Americhe ai 4 di Avrîl dal ‘68. E purpûr par ducj e par ogni epoche e par ogni bande e ancje ben par nô, in chest piçul Friûl, che al fâs fieste vuê in ricuart de sô storie di comuntât libare, no valial compagn? No ise chê la prime robe di fâ par vê gust di sei part di un popul: che in chel strop di mont si cjatisi ben, di sintîsi cjase, tor di un fogolâr, intune famee? Jo o ai sperimentât su lis mês disgraciis, cun cheste peste dal nestri timp, ce impuartant che al è di no restâ bessôi cuant che al pâr che il mont ti vegni jù pe cope. O ai pierdude mê mari, che ancje di cressût e je stade lidrîs e teren di une plante, che cumò e à pôre de prime montane. E pûr o ai cjatade une int di crodi, che mi è stade dongje e che mi à tignût pardabon di famee, plui di un fradi, di un fi. Se in Friûl ancjemò si pues sintî un tant, al vûl dî che, forsit, nol è pierdût dut, Però si pues pierdilu: che chestis robis a van semenadis, a van insegnadis, a van prudeladis, tignudis sù, e mighe no dome partint des scuelis ma di ogni bande, par ogni cjanton e ogni situazion. Al scuen sei claut fis, propit di restâ o deventâ culture e braure di un popul, sô civiltât e bandiere gloriose. Sei mancul salvadis e plui zentîi nol vûl dî acetâ pîts sul cuel di nissun: al vûl dî une cjarece che no tu ti spietis de int che ti àn dit che e sarès la tô, però nol è dit che cussì si compuarti. Par gambiâ il mont un fregul in miôr, si scuen, inalore, partî di noaltris, di cjase nestre, ancje a pro dal rest. Dal Friûl a àn tacât tantis rivoluzions, ancje positivis, a pro dal Om, e vuê, Sante Sabide, che in Aquilee a disevin che Crist al è lât tal infier par sfrancjâ bogns e juscj di ogni idee e nazion, cun chê che ognidun al pues, a so mût, puartâ un tic di ben a favôr di ducj, e je propit la dì di frontâ chel cantin. Libertât… Vuê in Friûl ve che si fâs fieste par ricuardâ la libertât passade dal Stât furlan e, za timp, si faseve anticipade fieste, la Sante Sabide, par memoriâl di liberazion di ducj cuancj de Muart, intindude chê no par gambiament ma di anulament, la nemie soprane. E purpûr libertât, che e je une grande robe, par ognidun e par dut un popul, al dipint cemût, però, che si le dopre. Che se si doprile un cuintri chel altri, nome par supierbie e par voie di comant, chel nol è un principi di ingloriâsi trop! Ce avignî puedie vê une int che no si vûl bon? Ce braure un popul che no si vûl bon? Visìnsi simpri che il Stât furlan, chel che si ricuardilu vuê ai 3 di Avrîl, no lu àn no fruçât i nemîs di fûr ma i svindics di dentri! Di sants salacor ancje culì no son masse e no si pretint, però di finîle sôl che cun invidiis, cun falsitâts e cun tradiments, che i furlans di une volte, ancje plui o compagn di chei di cumò, a jerin tignûts par di int di fidâsi ma ancje di cjalâsi, popul di confin, cuntun pît di ca e un di là di ogni robe. Volaressino, di gnûf, vê un Friûl libar, tant che si pues vêlu in zornade di vuê, cui sistemis di vuê, ancje cence fâ vueris o lâ incuintri a strussiis? E po ce fasaressino di chê libertât, cemût le dopraressino? Ce i vuadagnaressino come societât: laressino in miôr, staressino miôr, saressino ducj plui contents, plui unîts, plui pronts a parâsi un cul altri dai mâi e des prepotencis che nus vegnin cuintri? Se un tant al fos, nol sarès di stâ altri a resonâ parsore. Ma ce fasaressino di chê libertât se no nus puartàs plui serenitât e bon vivi insiemit: plui umanitât? Ce bidon saressial? Prin de libertât, si à di salvâ la anime, chê miôr, di un popul, la cole ideâl che e pues metilu adun, ancje tirant dentri juste int di ogni dontri, e fâi dreçâ il cjâf. E je, prime, chê anime che e vûl rinfuarcide e che e vûl rignuvide, grampantle tes gloriis e tes brauris de lidrîs plui insot de Storie plui biele e complicade di chest toc nestri tant cjâr di mont. Cence di chê anime, rionzude e slargjade, parade e inviulade, une libertât no si pues ni gjoldile ni doprâle cemût che al va. Fasìn in conts, inalore, furlans, su ce nus covente e nus conven di plui. Jo o dîs di impegnâsi a deventâ dabon ducj une famee e a sperimentâ e proclamâ ogni dì la nestre biele union in face di chei che tes divisions a tetin. Chê e sarès la nestre vere uniche fuarce, che ancje ben cence la libertât nus rindarès libars e simpri pronts a fâ il ribalton. Vive il Friûl, fogolâr e bastion di umanitât salde e zentîl!”. Così, da Udine, il leader del Circolo Universitario Friulano “Academie dal Friûl” e del Movimento Civico Culturale Alpino-Adriatico “Fogolâr Civic”, prof. Alberto Travain, il 3 aprile 2021, “Fieste de Patrie dal Friûl e Sante Sabide”, per ribadire la priorità assoluta di un obiettivo di coesione civica e umana a garanzia di felicità individuale e collettiva, a procedere da un Friuli storicamente diviso e litigioso ma non incapace di tali virtù.
ACADEMIE DAL FRIÛL+FOGOLÂR CIVIC letare ai furlans pai 3 Avrîl 2021