EuroAquileienses 12.01.2023/I (it)

Comunicato FOGOLÂR POLITIC alla stampa italiana – Udine, 12 gennaio 2023

TRAVAIN PARLA AI SUOI CONCITTADINI “FOROGIULIANI” NELLA LINGUA FIGLIA DEL “PADRE” GIULIO

Allocuzione online anche in friulano, tenuta dal leader di Fogolâr Politic per presentare gli indirizzi programmatici del nuovo soggetto politico locale in vista delle prossime elezioni regionali.

Il 12 gennaio 2023, il coordinatore di Fogolâr Politic “Europa Aquileiensis” prof. Alberto Travain si è rivolto via internet alla cittadinanza dell’intera Regione Friuli Venezia Giulia, oltreché in italiano, lingua odierna comune anche in quella storica regionale propria ovvero il friulano. “Questo non per imporre una parte al tutto ma per condividerla come patrimonio dimensionale dalla Carnia a ‘Tergeste’, che dei Carni antichi addirittura vantò di essere capitale”: questa la spiegazione addotta dal leader civista udinese, fermamente convinto della necessità di condividere le molteplicità della Regione come dato fondante di un vero popolo compendio d’Europa al crocevia del Continente. Travain ha scandito, nella lingua figlia di Giulio Cesare, padre eponimo regionale e fondatore mitico del locale foro o agorà continentale, i principali punti programmatici proposti all’agone delle prossime elezioni FVG. A seguire, il testo originale dell’allocuzione tenuta dal tribuno “fogolarista”, diretta nella contigenza a “furlanotis e furlanots dal Friûl Vignesie Julie” ossia ai friulanofoni della Regione senza con questo voler escludere le altre lingue ed etnie storiche insediate e perciò sorelle “forogiuliane”. “Il friulano come simbolico trait d’union richiamato da Dante, che metteva in bocca lo stesso ‘ces fastu’ ad ‘Aquilegenses et Ystrianos’: non prevaricazione e disconoscimento dei nostri sloveno, tedesco, veneto e varietà affini ma semplicemente prima base estesa e distintiva linguistica della nostra regionalità”. “Tes votazions regjonâls che a son prossimis – ha detto Travain, illustrando il programma del sodalizio politico teso a reinventare un senso di comunità nell’odierna composita marca friulana incentrato proprio sulla condivisione delle sue differenze – , fra tancj nons che si presentaran tal teatrin de politiche, al è ben facil che no cjatedis chest Fogolâr Politic a pene nassût, fi di passe trente agns di moviment civist culturâl furlan euroregjonalist dal Fogolâr Civic. No nus cjatarês di persone salacor, però o sarìn: o sarìn ombrene di une cussience popolâr antighe e pûr tant moderne; o sarin la vuardie di une esperience storiche che e da spessôr e particolaritât ae identitât furlane, che e cjate di podê cjalâ indevant cun dignitât propit ancje cjalant ae sô storie. Lis nestris ideis: une testemoneance neutrâl di tancj agns, dispès stracapide e ancje scancelade dai potentâts che a comandin – che a dominin – la vite sociâl e lis istituzions de nestre contrade. Lis nestris ideis a saran la sfide aes fuarcis politichis che si candidin al comant de regjon nostrane. Si confrontarìn propit su lis ideis e daûr di chês o decidarìn cui che o vin di poiâ. E po, alore, cualis sono chestis nestris ideis in cont de Regjon dal Friûl Vignesie Julie? E po ben, a son sessante agns chest an che o sin une Regjon. A son sessante agns di cheste Regjon. E in sessante agns no sin stâts ni no bogns di unisi ni bogns di dividisi: o sin stâts nome bogns di distinguisi, di disferenceâsi, di marcâ diferencis cence coordenâlis. E, cun di fat, no sin in vuê une comunitât. O sin un mismàs, un mismàs di diferencis, che se nus scancelin no si scompon nissun. No esistìn come popul: il pont al è juste chel. O vin di tornâ a inventâsi popul, tornâ a inventâsi culturalmentri popul. E un popul no fi di un incident de Storie, ben di une des tantis e no la miôr des versions di un marcje furlane a soreli jevât de Alte Italie. Chest, in fin dal cont, vuê, al è il Friûl Vignesie Julie! Su chest mismàs di diferencis e va implantade une comunitât: une comunitât che vuê no je, une comunitât gnove! Une comunitât che e va implantade su la comunele des diferencis stessis e no su la lôr segregazion, su la lôr ghetizazion, su la lôr valorizazion separade. O vin di condividilis e di sei fuarts su cheste condivision: di cjatâ une identitât su cheste condivision. E alore, o vin, ae fin, di fâ ce? O vin di stramudâ une espression gjeografiche di guvier, Friûl Vignesie Julie, intun popul, intun popul vêr, intun popul vêr che se tu lu scancelis si rivolte: no intun popul in fruçons, un toc ca un toc là, e un si sint di une bande, che nol cjate union e duncje si sta un moment a discancelâlu, a gjavâi i dirits, a gjavâi i podês, a discognossilu. Se si vûl dâ cuarp, dopo, a chês diferencis, a chest Friûl, a cheste Vignesie Julie, al va ben: alore decidìnlu. Decidìnlu in democrazie, midiant di un plebissît, midiant di un referendum. O podìn fâlu ma disìn che nô dal Fogolâr Politic un tant no nus infervore. No si infervorìn ator di chest probleme. O volaressin un Friûl Vignesie Julie culturalmentri variât sì ma unît e o volaressin un Friûl Vignesie Julie politichemetri paron a cjase sô e compartît vâl a dî in mans dai citadins. E un tant ancje propit riclamant istituzions gloriosis di democrazie e di tribune di popul che a son une testemoneance de storie furlane, de storie de regjon furlane, e che la regjon furlane storiche i à regalât ae nestre Europe. E bastarès la idee antigone di un cuintriconsei regjonâl dai citadins al controle chel dai sorestants, che, cumò, cinc agns a son, cinc agns a restin e cinc agns a fasin ce che a àn voie lôr, che il Citadin nol pues meti il peteç! E po, un tierç pont: si volarès un Friûl Vignesie Julie comunitât cûr vêr de Mittel-Europe, rimodernament vêr di ce che e je stade Mari Aquilee! Alore, tornìn a viodi: trê ponts, su trê ponts, su trê cantins, o becarìn – o cirarìn di becâ – la politiche regjonâl. E no sul teme, inalore, di une unitât te diviersitât ma te comunele des diviersitâts, par inventâsi un popul ‘forojulian’ – cussì al clamave Pauli Diacul, Pauli Langobart, i prins regjonâi: forojulians – , popul gnûf e antîc, cun lidrîs insot, verghelât, unît, fuart ce maniere che e pretint, ce maniere che e clame, ce maniere che e domande une modernitât che e savolte i popui, ju slambre, ju divît, e tant chei grancj che chei piçui. E ancjemò sul teme di une autonomie. La autonomie no baste. No une autonomie nome ma une autonomie compartide li che il Citadin al à vôs in cjapitul. No je la autonomie dai sorestants. E je la autonomie di un popul. E alore, un popul che nol deleghe nome dut al sorestant che lu rapresente ma che al vûl contâ vie pal guvier, sot dal guvier, di une sorestanzie. E il Friûl nol è nome la scune dal prin parlament in Europe ma al è ancje stât la scune dal prin cuintriparlament di popul moderni dal nestri continent. Duncje, ancje chi la Storie si met dongje cul domandament de int di vuê che e vûl contâ di plui sul so destin, si met dongje la Storie cul presint e e devente promemorie pe atualitât di une politiche e di une istituzion che a rispietin pardabon la dignitât dal Citadin, la dignitât civiche, che invezit tant dispès le sbelein. E un popul – o vin voie di vê, o vin gust di vê, o varessin gust di vê, o volaressin – che al conti, intune regjon che e conti, intal cûr de Europe, cun cussience si sei il cûr de Europe, e duncje che si fasi ancje medole di une comunele internazionâl, rionzude, tornade a meti dongje, su lis olmis di ce che e je stade la grande liende laiche, viodude in tiermins secolârs in dì di vuê, de grande Aquilee tra lis Alps, la Danau e l’Adriatic. E ve chi, alore, il tierç pont, infalibil, che nol pues ridusisi intune lamie colaborazion internazionâl fra lis regjons e i Stâts di confin. No nus baste la colaborazion. O vin voie di tornâ a visâsi che o sin stâts il centri, il pivot, de Mittel-Europe daûr de nestre Mari Aquilee. E alore, il finâl cuâl isal? Il finâl al è un salût. Il finâl al è un ‘a riviodisi’, parcè che o sperìn di tornâ a viodisi e duncje di podê ancjemò tignî impiade cheste flame antighe che e je la flame de nestre civiltât democratiche de Patrie furlane”.

FOGOLÂR POLITIC regjonâls FVG 2023

Precedente EuroAquileienses 12.01.2022/I (en) Successivo EuroAquileienses 12.01.2023/I (fur)