JOIBE AI 21 DI AVRÎL 2016

Joibe ai 21 di Avrîl 2016, il dean dal moviment civic culturâl alpin-adriatic dal Fogolâr Civic e dal circul universitari furlan de Academie dal Friûl, prof. Alberto Travain, compagnât dai conseîrs movimentâi gjeom. Sergio Bertini e tenôr Gianfranco Savorgnan, ur à proferît ai gjerents dal storic Bar Savio di Place dai Grans a Udin, lûc tradizionâl di cunvigne de fradaie “fogolariste”, une suaze cul sfuei ugnul sociâl in plui lenghis dedicât a Giulio Regeni di Flumisel, tant valorôs, eroic zovin studiôs furlan, martar, di no smenteâsi, de barbaretât dal Egjit di cumò. E je stade la volte ancje ben par un brindis popolâr sui 2769 agns di Rome. “I Furlans vâl a dî i ‘Foroiulienses’ a son nassûts, di fat, tal 50 p.d.C., tant che citadins romans” al à dit Travain marcant che al è il câs di tornâ a cjapâ sù la lezion cosmopolitiche o almancul sorecontinentâl euromediteranie de Romanitât, cul riviodi chel imperialisim in clâf positive di cusidure, di cumbine, altruiste, umanitarie, fraternâl.