JOIBE AI 24 DI MARÇ 2016

Joibe ai 24 di Març 2016, chel che si disii l'”ambassadôr di là de Aghe Britiche” dal moviment civic culturâl alpin-adriatic dal Fogolâr Civic e dal circul universitari furlan de Academie dal Friûl, vâl a dî il brâf zovin colaborant sâr Francesco Nicolettis, tornât in Friûl pes fiestis di Pasche, al è lât a onorâ la Crôs di Cjasemate, in Comun di Martignà, cimeli storic su la liende di popul dal patriarcje Beltram di Aquilee, martar pe justizie e patron civîl nostran, li che al à poiât jù un “remembrance poppy” che al sarès un “confenon de memorie”, tradizion di Albion su lis rosis par ricuardâ chei che a son muarts in vuere: un presint des tieris di Thomas Becket viers di un so ilustri secont aquileiês.