JOIBE AI 28 DI AVRÎL 2016

Joibe ai 28 di Avrîl 2016, il dean dal moviment civic culturâl alpin-adriatic dal Fogolâr Civic e dal circul universitari furlan de Academie dal Friûl, prof. Alberto Travain, cui conseîrs movimentâi gjeom. Sergio Bertini e tenôr Gianfranco Savorgnan, al è stât, a Udin in Sale Ajace, che si à completât il pont “partecipât” de formazion dal Plan di Paisaç pal Friûl Vignesie Julie. Si che, tal so plait, il dean di chês clapis al à marcade in ben la ecezion di chê ocasion partecipadore. “E je la prime volte, in cincuante agns almancul, che, in Sale Ajace, intun Udin, une samblee di popul e vote, destinant des dretis, ancje ben cun funzions sôl che di consult! Cui che, compagn di noaltris, al à cirût l’an passât di rionzi il Renc medievâl citadin, massime istituzion storiche di partecipazion de comunitât locâl, di un tant al pues dome che indalegrâsi!” al à mutivât Travain.