JOIBE AI 30 DI JUGN 2016

Joibe ai 30 di Jugn 2016, un trop dal moviment civic culturâl alpin-adriatic dal Fogolâr Civic e ancje dal circul universitari furlan de Academie dal Friûl, cul dean des dôs fradaiis, prof. Alberto Travain, e il conseîr movimentâl sâr Maurizio Di Fant, al è stât a Aquilee, clamât de Fondazion dal puest chê che e cure l’invaloriment dal sît, juste par chês “taulis” che ur disin “di compartision”, preparatîf dal telâr di un plan di maneç dal patrimoni de localitât che l’Unesco lu ten sot pupil. Batiant Aquilee par “lidrîs di identitâts plusôrs”, il prof. Travain i à tignût prin di dut di marcâ che chel lûc al covente inviulâlu te diramade reet di rapuarts e di partignincis tiessude de sô liende in milenis di storie, pensant in particolâr ai fats plui momentôs de vicende politiche di chê citât che al sarès gust juste che la int dal puest le cognossès miôr.