JOIBE AI 6 DI AVOST 2015

Joibe ai 6 di Avost 2015, visitant in Cjargne, a Dieç, chê splendide mostre di art sacre, di innomine internazionâl, titulade “L’ultima creatura: l’idea divina del femminile”, dedicade ae vicende des grandis feminis de Biblie, il dean dal Moviment Civic Culturâl Alpin-Adriatic dal Fogolâr Civic e dal Circul Universitari Furlan de Academie dal Friûl, prof. Alberto Travain, si à stât cui siei confradis in particolâr sul pont des eroinis biblichis di libertât, magnificadis ancje vie pe Storie des bandis jenfri Alps e Adriatic: “prin di dut Judite, che la sô liende si le à riclamade ancje ben a Udin tant che une alegorie juste de Serenissime vitoriose cuintri dai siei nimîs: prin di dut i Turcs. Mighe no dibant, par fâi fieste ae resistence braurose de sô Corfù cuintri dal Otoman dal an 1716, la Republiche di Vignesie i veve ordenât propit a Vivaldi un oratori cul titul ‘Juditha triumphans’ che la sô arie vuê i venitiscj le calcolin di just tant che un imni nazionâl venit”. “Tresinte agns l’an cu ven che a mertaressin di sei ricuardâts – al à zontât Travain – no par altri che par fâi onôr ae storie di une esperience civîl milenarie che ducj i popui jenfri Alps e Adriatic, di leâts, sogjets o aversaris, in cualchi maniere a àn dât contribût!”.

Precedente GIOVEDÌ 6 AGOSTO 2015 Successivo VENERDÌ 7 AGOSTO 2015