LUNIS AI 12 DI DICEMBAR 2016

Dentri tai incuintris culturâi inmaneâts dal Club Unesco di Udin in cunvigne cul moviment civic culturâl alpin-adriatic dal Fogolâr Civic pe Zornade Internazionâl cuintri de Coruzion (9.XII), lunis ai 12 di Dicembar 2016 il dean di chel moviment e ancje dal circul universitari furlan de Academie dal Friûl, prof. Alberto Travain, al à fat, te Capitâl dal Friûl Storic, une conference in lenghe furlane, tal Palaç Garzulin di Top – Wassermann (Scuele Superiôr de Universitât dai Studis di Udin), sul argoment “’Salt, onest…’: la culture dal imbroi in Friûl prin e dopo dal 1866”. Il prof. Travain al à batût il claut su cemût che cent e cincuante agns indaûr la vignude in Friûl bande Udin di un Stât nazionâl talian juste al vedi instradât la contrade dentri di un sisteme che al jere bielzà pôc virtuôs in chê volte, che al varès corote, insotanade e glotude une Furlanetât conformade su la liende dal ordin asburgjic.