MARTARS AI 12 DI LUI 2016

Martars ai 12 di Lui 2016, ve che lis bandieris di associazion dal moviment civic culturâl alpin-adriatic dal Fogolâr Civic e dal circul universitari furlan de Academie dal Friûl a jerin invidadis tal Domo di Udin a Messe Grande pai sants Macôr e Fortunât, patrons de citât e dal Patriarcjât di Aquilee di une volte. Tal moment de benedizion sul sagrât de glesie, lis dôs fradaiis a àn jevât par aiar in face dal vescul e dai sorestants civîi e militârs il standart cu la scrite parsore “Justizie par Giulio Regeni, orgoi dal Friûl” e cul simbul vueresc dal Spadon di Marquart, monitori furlan culturâl pai sassins e pai compliçs in mil manieris de copadice in Egjit di chel studiôs zovin di Flumisel che pe serietât dai siei studis al jere propit un pugn tal voli pal regjim egjizian che il guvier de Italie lu à batiât par “amì”: “une copadice – al à dit il dean dal Fogolâr Civic e de Academie dal Friûl, prof. Alberto Travain – che lis Istituzions di cheste Republiche i àn fat front dutis timorosis e cence costrut indulà che invezit il Vatican, che al è tant atent a ce che al sucêt ator, fûr di Europe, al somearès che, in pratiche, su la vicende, al vedi brilât juste pal so tasê!”.

Precedente MARTEDÌ 12 LUGLIO 2016 Successivo MARTEDÌ 12 LUGLIO 2016