Cuntune Sante Messe te glesie di Sant Jacum a Udin, in pro dal dean dal Coordenament Citadin dal Borc de Stazion di Udin, siore Francesca De Marco recuie, za fa un mês che e je mancjade, martars ai 22 di Avrîl 2014 il Moviment Civic Culturâl Alpin-Adriatic dal Fogolâr Civic e il Circul Universitari Furlan de Academie dal Friûl a àn volût rinovâ i lôr onôrs lancurôs a une amie e une colaborante cence compagns te bataie civîl par tornâ a tirâ sù il borc citadin de ferade di situazions di degradazion e division sociâl, esempli di maneç bislac de globalizazion frontade tal locâl. Une delegazion di chês dôs fradaiis e dal Coordenament menzonât si à fermât, duncje, tal cidin, racuelte, cu la bandiere dal borc alì dal “Altâr dai Muarts”, chel famôs in citât, dedicât in particolâr a chei che no son plui.