MARTARS AI 29 DI SETEMBAR 2015

Tal 2015 a son 16 agns che, ai 29 di Setembar, pe fieste di Sant Michêl, sant vuerîr spieli dal salt difensôr de patrie, une piçule “vuaite” culturâl o ben ronde civiche “de memorie”, componude des rapresentancis des sezions di circoscrizion locâls udinesis dal Moviment Civic Culturâl Alpin-Adriatic dal Fogolâr Civic, e à tornât a fâ a Udin l’anuâl zîr des muris de citât storiche par fâ onôr ae memorie di chei che tai secui a àn batût e a son muarts par difindi la comunitât de capitâl dal Friûl assalide dai tancj invasôrs e tirans che a àn talpassât il so teritori. Un ricuart particolâr chest an si lu à dedicât, oltri che ae Vuere dal ’15, ai 650 de bataie di Feagne – dismenteade dal dut e purpûr impuartante te storie politiche de regjon! – là che i assalts furiôs de cavalarie austriache no àn valût a somierzi la resistence acanide dal esercit parlamentâr furlan comandât dal visdomin Francesc Savorgnan che al veve ancje dentri fuarts bataions di Udin, che e je lade strucje cussì une des tantis invasions forestis de Furlanie. Compagn di ogni an a son stadis, duncje, deposizions di rosis alì dai “Portons” de Citât Viere, cul chê di memoreâ lis cinc circoscrizions di citadinance de tradizion, i “cuintîrs” cussì clamâts, si che alore li dal Porton di Sant Bartolomiu si à ricuardât i combatents e i muarts di Marcjât Vieri e de bande nordorientâl là che invezit li dal Porton di Olee si à fat memorie dal sacrifici dai Udinês dai borcs sudorientâi; li dal Porton di Graçan si à fat riverence al valôr dai citadins de bande sudocidentâl là che invezit alì dai Portons di Sante Marie e Sante Luzie si à onorât par ordin il popul di Marcjât Gnûf e chel dai borcs nordocidentâi dal Comun. Une memoreâ moltiplicât par cinc tant che a son cinc i rinovâts “cuintîrs” o ben coleçs civics pastanâts, daûr propueste dal prof. Alberto Travain, dean dal Fogolâr Civic, juste de assemblee popolâr inzornade de partecipazion a Udin batiade par Renc, tornade a unîsi propit in chê dì, la prime volte, passâts 502 agns de volte de sô abolizion, e un tant di iniziative di chel istès biel ferbint cenacul di culture.

Precedente MARTEDÌ 29 SETTEMBRE 2015 Successivo 2015 09 GALARIE / GALLERIA / GALLERY