MARTARS AI 3 DI FEVRÂR 2015

Un salût bilengâl par furlan e talian lu à spedît di Udin ai 3 di Fevrâr 2015 il Moviment Civic Culturâl Alpin-Adriatic dal Fogolâr Civic, direzût dal prof. Alberto Travain, indreçât al gnûf President de Republiche, on. Sergio Mattarella, te zornade istesse che chel si à instalât tal Quirinâl. Ve culì il scrit. “Sâr President, ‘il pinsîr al va soredut e prin di dut a lis dificoltâts e a lis sperancis dai nestris concitadins. E chest al baste’. Il fat che lis Sôs primis peraulis di ufici no sedin stadis juste di çondar cjacaronâ istituzionâl ma di cussiente – al somee spontanie e sincere – fradaie viers di citadins somierzûts di tancj mâi, antigons e no, al fâs dal sigûr in mût che chel piçul moviment civic culturâl che culì si firme I destini convint, cun fiducie, un mes di stime e di stimul par che Al vueli dabon jessi massim rapresentant e interprit des dificoltâts e sperancis chês veris des gjernaziis di Italie in chest moment storic particolâr. L’auguri plui alt al è chel che Lui al puedi rivâ l’intent di mudâ la unitât dal Paîs di vanzeli ideologjic intune biele simpri rignuvide e justificade manifestazion di un volê. Ve un salût popolâr de tiere dal Friûl, cjantonut di Italie e crosere di Europe, piçule patrie di un piçul popul une volte famôs par sei di judizi, che, zire e volte, I somee un tic a Lui… Cun rispiet e bogns vôts, un ‘mandi’ furlanon di cûr, salacor juste il ‘manus Dei’ dai basavons latins: ‘Diu che Lu vuardi!’”.