MARTARS AI 4 DI MARÇ 2014

“Tornâ indaûr o tornâ a fâ sù? Se cumò pardut insegnants e educadôrs a son degradâts dai gjenitôrs, tant che e scrîf a clâr in chescj dîs sui gjornâi di chenti ancje propit la flôr dai esperts, duncje che si proviodi par vie politiche, midiant di leçs, a distronâ il cuarp gjenitoriâl tes scuelis, tornant al Stât e a lis sôs istituzions votadis une origjinarie funzion di indreçâ il coordenament sociâl-culturâl, che e je ridusude in zornade di vuê, tal non di idui libertaris pustiçs, in pratiche juste nome che al maneç di capriçs privâts. Tal concret? Soprimi i Decrets Delegâts dai agns dal ’70, che la politiche, no la scuele, e à di sei la sede dulà che si trate e indulà che si decidin lis regulis, ancje propit tal cjamp de istruzion. Se si va ancjemò indevant cul ricognossi ai gjenitôrs une libertât di educazion dai fîs che e interferìs e che e passe parsore dai necessariis instradaments te armonie civîl che ur spietin di tradizion a la Autoritât publiche dal teritori, la societât, no la Scuele dome, a saltaran par aiar in curt”. Propit su chescj argoments cussì grivis e lavorarà tai mês a vignî ancje ben la Consulte Spontanie dai Insegnants dal Friûl Vignesie Julie inviade in regjon l’an passât dal Circul Universitari Furlan “Academie dal Friûl”.

Precedente MARTEDÌ 4 MARZO 2014 Successivo SABATO 8 MARZO 2014