MARTARS AI 8 DI SETEMBAR 2015

Tal troi de tradizion culturâl mariane des regjons de bande alpine-adriatiche, martars ai 8 di Setembar 2015, si à ripetût il presint dal Moviment Civic Culturâl Alpin-Adriatic dal Fogolâr Civic ae Madone di Barbane, imagjin sacre custodide intun innomenât santuari che al puarte il so non te Marine di Grau, comprensori naturâl formât juste daûr de disfate dal Imperi roman di Ocident e di in chê volte par tancj aspiets deventât confin tra doi monts, gjeografic che ben si intint, ma ancje culturâl e parfin politic-aministratîf, une frontiere e une cerniere dut intun tra Tiere e Mâr, Nord e Sud, Orient e Ocident. In chê ocasion, une gale cui colôrs civics aquileiês o euroregjonalistics, simbul dal Moviment, le à poiade jù li de statue mariane di Barbane il dean prof. Alberto Travain, par segnâl, oltri che di devozion privade, sigûr di publiche riverence par un lûc pardabon tant significatîf e cun sincîr auguri di rignuvide e profitevule unitât di popui e di tieris fîs culturâi di Aquilee antighe.

Precedente MARTEDÌ 8 SETTEMBRE 2015 Successivo MERCOLEDÌ 9 SETTEMBRE 2015