MIERCUS AI 15 DI MARÇ 2017

Miercus ai 15 di Març 2017, juste 2061 agns che a àn sassinât il pari de patrie regjonâl che i à lassât il so non al teritori, il moviment civic culturâl alpin-adriatic dal Fogolâr Civic e il circul universitari furlan de Academie dal Friûl a proponin a Udin, li dal famôs “Caffè Contarena”, une conference dal studiôs roman Alfredo Maria Barbagallo cun titul “I due Longini” vâl a dî “I doi Longinus”, su la idee di une comunele tra Longinus, caporion dal complot cuintri di Caesar, e il centurion che, cul non compagn, al veve impirât Crist in crôs tal cuestam.