Ce puedino vee a ce fâ la renghe, plat puar de tradizion di Udin in timp di Cuaresime, e il Renc di une volte, samblee di popul dal Comun di Udin, istituzion partecipadore mai stade dopo une robe compagne, abulide sot dal domini de Republiche veneziane tal 1513, in cunvigne cul sioram citadin dal puest tratant di sdrumâ la signorie pro democratiche dai Savorgnans? A disberdeâ un imberdei di une tâl si à metût sot il prof. Alberto Travain, president dal Fogolâr Civic, che miercus ai 18 di Fevrâr 2015, la dì de Cinise, al à clamât dongje a cene une biele comparse de sô fradaie li de storiche tratorie “Ai Frati”, a Udin, tal borc citadin di Glemone. Presints i conseîrs sociâi siôrs Giuseppe Capoluongo, Marisa Celotti, Jole Deana, Antonietta Monzo Menossi, Carlo Alberto Lenoci, Maria Luisa Ranzato; fra i colaborants si menzonin lis sioris Rosalba Meneghini, Laura Nazzi, Luigina Pinzano e Mirella Valzacchi.
EuroAquileienses
+ NOTIS DI LIBARE CULTURE CIVICHE DAL CÛR FURLAN DE MITTEL-EUROPE / NOTE DI LIBERA CULTURA CIVICA DAL CUORE FRIULANO DELLA MITTELEUROPA / NOTES OF FREE CIVIC CULTURE FROM THE FRIULIAN HEART OF CENTRAL EUROPE +
