MIERCUS AI 18 DI FEVRÂR 2015

Miercus ai 18 di Fevrâr 2015, te Sale dal Popul di Palaç Daronc, municipi di Udin, une delegazion dal Moviment Civic Culturâl Alpin-Adriatic dal Fogolâr Civic, menade dal so president prof. Alberto Travain, e à fate presince li che il Comun del capitâl de Furlanie storiche i à consegnade, su sburt popolâr, une publiche benemerence a la ricamadore di chenti siore Antonietta Monzo Menossi, native de Campanie e benemerite dal Friûl, vedue dal artist furlan Toni Menossi ben innomenât e promotore ferbinte, in citât, in regjon, in Italie e ancje ator pal Forest, di chê art antigone e tant nobile dal ricamâ. La siore Menossi, ancje conseîr dal Fogolâr Civic, e à ricevût, duncje, i compliments dal sindic prof. Furio Honsell e di une biele rapresentance de Zonte comunâl. Dominant te sale, zaromai di agns, par volê di chel sindic, ve che e jere la steme citadine fate tant ben che mai e regalade a la comunitât di Udin di chê ricamadore istesse. Il prof. Travain al à volût pandii, su la ocasion, “a la amie Antonietta” il complasiment plui sancîr dal Fogolâr Civic – presint cun delegazion di rivuart cun dentri tra i conseîrs movimentâi i siôrs Giuseppe Capoluongo, Renata Capria D’Aronco, Marisa Celotti, Jole Deana, Maria Luisa Ranzato, Gianfranco Savorgnan, e tra i colaborants lis sioris Luisa Faraci e Mirella Valzacchi – un tant vint iniment a la Sorestanzie chê “imprese” resinte e mertorie sigûr de Menossi che, in colaborazion cul cenacul civic biel menzonât, tal 2014 i à spedît vie al Quirinâl juste un “grop salomonic aquileiês” ricamât di fin “cul pont Aquilee”, sô invenzion, par esprimi, sul centenari de Grande Vuere, i auguris di pâs e unitât fra nazions di chê che e je stade “capitâl” taliane de Prime Vuere dopo vee stât par seculorum piçule metropul spirituâl de Mittel-Europe erede dal gloriôs Patriarcjât di Aquilee.