MIERCUS AI 3 DI JUGN 2015

Rispuindint a une idee par nie strambe ma, in chest moment di criuris, tant facile di no rivâ insom, che e je chê di implantâ dôs provinciis autonomis regjonâls tal Friûl Vignesie Julie, la fradaie furlane di culture civiche euroregjonalistiche dal Fogolâr Civic e met jù intun piçul document, destinât “A citadins, parts politichis e Istituzions Publichis” de Regjon, juste il so pinsîr sul argoment “Un belanç e un Consei regjonâi scomponûts, cence spesis in plui, modelâts su dôs macroidentitâts-vocazions”: ve culì la idee che si à resonât juste ben miercus ai 3 di Jugn 2015 intune riunion di consei dal cencul di popul che ca si trate. “Stant che a son diferencis di domandament, par vie di diferentis bisugnis di gjestion, tra un puart impuartant e une tiereferme cun trats in sorte e che e cjale par so solit in altrò, il Moviment Civic Culturâl Alpin-Adriatic dal Fogolâr Civic al varès gust di dâ un contribût intun dibatiment costrutîf sul tornâ a meti man e su cemût miorâ la aministrazion regjonâl tal Friûl Vignesie Julie clamant cun maniere citadins e lôr rapresentants politics-istituzionâi in cont de utilitât di meti sù, inmò prin che dôs pussibilis provinciis autonomis, doi belançs pûr parziâi, votâts intun Consei regjonâl similâr di chel che al è sù ma scomponût in dôs consultis di teritori modeladis, cence spindi in plui, su chês entitâts menzonadis di identitât-vocazion, un tant midiant partizion consecuente dai conseîrs daûr des circoscrizions di elezion”. Ve, curt, culì il test dal document, che al pant dabon une leture pratiche dai svilups pussibii de dualitât storiche di cheste bande culì di Europe, pastanade prin dai Romans e condurade, pûr manifestantsi in mil mûts, partint di chel 568 che, di une bande, sot dai Langobarts, al veve viodût a implantâsi un pivot di regjon di chê tiereferme plui dongje, che za in chê volte i disevin furlane par vie dal Forum Iulii, e di chê altre, invezit, al veve assistût, sot dai Bizantins, al gjavâsi fûr di un biel toc bande il mâr. Telârs antîcs che, passadis tantis, a puedin ancjemò pôc o trop consisti in clâf di vocazions e che, duncje, a meretin atenzion juste tant in argoment di organizazion che su la materie de identitât.

Precedente MERCOLEDÌ 3 GIUGNO 2015 Successivo SABATO 6 GIUGNO 2015