MIERCUS AI 9 DI SETEMBAR 2015

“Nome al bastarès dî che la targhe che e indiche la sô sapulture e risulte plaçade tal 2001 di une delegazion bavarese (!) juste pai 750 agns di cuant che al è muart: se al ves vût di spietâ nô Furlans l’onorât patriarcje Bertolt al varès vût sorte!” al à vût mutivât contrariât il prof. Alberto Travain cui siei confradis di Fogolâr Civic e Academie dal Friûl che a jerin cun lui in chê aromai tradizionâl “ricognizion de memorie” dentri te basiliche di Aquilee sot des fiestis sociâls pal “complean” de citât di Udin, capitâl dal Friûl Storic, che chel bavarês che al à guviernâts Glesie e principât aquileiês jenfri dai agns 1218 e 1251 al è stât il so fondadôr legâl. “E che nol è stât nome fondadôr de ‘citât’ di Udin, che al sarès za un merit no mighe di pôc: al à fondât ancje chel Parlament furlan, tant sbandierât di furlaniscj e no, un dai prins e plui fuarts de Europe, e purpûr lui che lu à screât in pratiche al è ‘discumiât’ de memorie de comunitât! Ce brâfs po che o sin, studiâts, sorestants e int di chest tant amât Friûl o Friûl Vignesie Julie cemût che si vûl! “A fâ mâl al è pecjât, a fâ ben al è strassât” e filosofave sù, garbe, une volte, une detule popolâr. Salacor cence cuissà ce tuart!”. Chê rapresentance associative si à fermât, duncje, in segn di rispiet, li de tombe dal vescul che al veve comandât di sei sapulît juste a pene dentri de puarte de Basiliche Patriarcjâl là che al jere colât la dì dal so ingrès.

Precedente MERCOLEDÌ 9 SETTEMBRE 2015 Successivo VENERDÌ 11 SETTEMBRE 2015