MIERCUS AL 1N DI ZENÂR 2014

“Si à scancelât juste fûr di puest un moment sintût di union ideâl, internazionâl, europeane e mondiâl! Par dî trop che des voltis la Italie no sa lâ a cjâf alt in Europe al bastarès nome il câs, provinciâl tant che mai, che a son undis agns ve cumò che, al puest de direte tv dal Conciert di Prindalan di Viene, trasmetût par ogni bande di mont, si mande un program di Vignesie dedicât a la Opare taliane, un conciert de “La Fenice” che invezit si podarès ben fâlu di sere e mandâlu ancje chel in direte internazionâl, par propagandâ pardavêr la culture italiche, cence par fuarce lâ in cercje e a stupit vie di metisi cuintri e ‘gjavâsi fûr’ dal mont”. Une “vuere musicâl sorpassade, nazionalistiche”, che il Moviment Civic Culturâl Alpin-Adriatic dal Fogolâr Civic e il Circul Universitari Furlan de Academie dal Friûl direzûts dal prof. Alberto Travain, che a vuardein za di un cuart di secul la identitât di un Friûl Vignesie Julie, regjon perifarie de Italie e crosere de Europe, a puedin nome che imbolâle tant che une bore scuindude che a menace il spirt di unitât parsore dai confins pelôs jenfri lis nazions, un tant in particolâr cent agns daspò de Prime Vuere. Un tant al è stât al 1n di Zenâr 2014 co lis dôs fradaiis a àn mandade fûr une note su chel pinsîr.