Daûr de muart di Francesca De Marco, la “pasionaria” dal Borc de Stazion che no si dismenteile, cumò une altre pierdite e maree il Moviment Civic Culturâl Alpin-Adriatic dal Fogolâr Civic direzût in Friûl dal prof. Alberto Travain: si à studât a Triest, indulà che di agns e jere trasferide, la siore udinese Iesina Caporale Dri, dentri di agnorum te vite di imprese de capitâl furlane, sostignidore ferbinte de clape e de pupilance in gjenar dai bens culturâi dal teritori. “No si mancjave di tornâ a viodile – al ricuarde Travain – pe fieste dai Patrons aquileiês e udinês Macôr e Fortunât: juste une ocasion par tornâ te metropul de Piçule Patrie, che di chê e veve tante braure e che no le veve no mai dismenteade, pûr integrantsi cun armonie ancje te vite sociâl triestine. E saveve cumbinâ benon la furlanetât cu la triestinitât. E jere in concret une citadine vere dal Friûl Vignesie Julie”.
EuroAquileienses
+ NOTIS DI LIBARE CULTURE CIVICHE DAL CÛR FURLAN DE MITTEL-EUROPE / NOTE DI LIBERA CULTURA CIVICA DAL CUORE FRIULANO DELLA MITTELEUROPA / NOTES OF FREE CIVIC CULTURE FROM THE FRIULIAN HEART OF CENTRAL EUROPE +
