SABIDE AI 30 DI AVOST 2014

Sabide ai 30 di Avost 2014 il dean dal Moviment Civic Culturâl Alpin-Adriatic dal Fogolâr Civic, prof. Alberto Travain, al à ricevût a Udin, te Sale dal Parlament de Patrie dal Friûl, viere di secui, lis delegazions des diviersis Bancjis dal Timp di Italie, riunidis in Cjargne par une setemane di congrès a Darte. Il professôr al à par mût di dî menât daûr i delegâts intun viaç te memorie e tal spirt culturâi e civîi de furlanetât, rivocâts tes pituris che a son che a furnissin la sede de assemblee famose di rapresentance de regjon, parlament prin o fra i prins de Europe, che in Ete Moderne si jere zontât a chel l’unic cuintri-parlament di popul de storie continentâl dopo dal câs antîc dai tribuns plebeans romans vâl a dî la Contadinance dal Friûl. Tal contâ i detais plui impuartants in cont de liende de identitât furlane, Travain al à vût marcât in particolâr il pont di une pûr lontane mastine saldece e di une tignince morâl zuiadis dilunc dai secui su ducj i fronts dal vivi sociâl e politic, cjalcjant sul implant di une civiltât miscliçade, prodot di milante agns di incrôs di nazions, che par vie di culture nol stâ sierât te preson di un Stât nazionâl. Curiositât e atrative par un câs particolâr di une tâl, stât simpri a ogni mût cun cussience incuadrât intun telâr european e oltran, a son stadis, duncje, pandudis, al sorestant dal Fogolâr Civic, des rapresentancis associativis convignudis di ogni bande dal Stivâl.

Precedente SABATO 30 AGOSTO 2014 Successivo GIOVEDÌ 11 SETTEMBRE 2014