Note FOGOLÂR CIVIC – Udin, 6 Zenâr 2021
Udin – Gnove publicazion Fogolâr Civic. Ai 6 di Zenâr 2021, “fieste storiche internazionâl de Pifanie, riverence dai grancj di chest mont viers di un piçul”, il Moviment Civic Culturâl Alpin-Adriatic “Fogolâr Civic” al à presentât il so gnûf numar ugnul “EuroAquileienses_2020ii”. Chel sfuei eletronic al met dongje lis notis stampe vignudis fûr tal secont bocon dal 2020 sul blog euroregjonalist e civist furlan “EuroAquileienses”, che i sta daûr il moviment dal Fogolâr Civic di Udin, direzût dal prof. Alberto Travain: “testemoneance preseose di floridure di une ativitât sociâl-culturâl e di une societât civîl la plui part scanceladis de stampe dal puest, robe di no crodi, croniche rare e document storic tant a dî crei e degnevul regâl pe culture civiche e pe civiltât cul partî de piçule ultime capitâl furlane de prime Mittel-Europe unide vâl a dî il primarûl Patriarcjât di Aquilee, a cavalot des modernis Austrie, Cravuazie, Gjermanie, Italie, Ongjarie, Slovenie e Svuizare”.