VINARS AI 17 DI OTUBAR 2014

“In dì di vuê la Euroregjon no je un program di politiche o ben no ancjemò e no mai no sarà fin che no si proviôt di sparniçâ fra i popui confinants il sens storic di vê un alc in comugnâl, alc di profont, alc che al cjape dentri ma che ancje al strapasse l’util imediât di une cooperazion transconfinarie sul pont dai servizis. Ce fasino vuê i nestris sorestants par proviodi in lunc e in larc di un tant?”. Ancje ben tal 2014 il Moviment Civic Culturâl Alpin-Adriatic dal Fogolâr Civic e il Circul Universitari Furlan de Academie dal Friûl, sot dal dean prof. Alberto Travain, a àn celebrade a Udin la date dai 17 di Otubar tant che “Zornade de Euroregjon”, te ricorence dai acuardis di Vile Manin (17 di Otubar 2005), che al jere partît cun di fat di li un progjet moderni di “euroregjon” alpine-adriatiche, e tal inovâl dal tratât di Cjampfuarmit famôs (17 di Otubar 1797), che al veve tornât a dâ dongje il Friûl juste cun chel Sacri Roman Imperi che, par mût di dî, al jere stât la prime “Europe unide” de Storie, e un tant cul tornâ a meti adun te politiche tieris e popui jenfri Alps e Adriatic dividûts dai timps des invasions barbarichis. “Al displâs e ancje al mene braure di viodi cumò trop che ciertis criuris di progjets dal alt, incuadrâts e slargjâts, par sparniçâ un sens di identitât culturâl tra lis popolazions des regjons che a aderissin a chel GECT “Euregio Senza Confini r.l. – Euregio Ohne Grenzen mbH”, ce che al à non, partint di lidrîs di chês storichis di un sei a part ducj insiemit, a cressin di pês, di valôr, di riferiment lis iniziativis, l’impegn su chel front e lis minimis fuarcis di un moviment piçul, di citadins, vignût sù dal bas, tant che il Fogolâr Civic, batint il troi di une tradizion che e à viodût a flurî in Friûl Vignesie Julie l’esempli pionîr de mertorie Associazion Culturâl ‘Mitteleuropa’” al à vût motivât il prof. Travain sorestant un incuintri di socis, indulà che si à memoreât ancje la figure dal president carintian Jörg Haider, puar dulà che al è, muart in Otubar dal 2008, che si presentave di campion sancîr di un progjet euroregjonalistic frontât su principis di colaborâ di ca e di là dal clap ma ancje su “virtûts e lidrîs comunis che tignîlis sù mighe nol vûl dî nome baratâ mangjâ e bevi tipics”.

Precedente VENERDÌ 17 OTTOBRE 2014 Successivo SABATO 1° NOVEMBRE 2014