VINARS AI 18 DI NOVEMBAR 2016

Vinars ai 18 di Novembar 2016, il moviment civic culturâl alpin-adriatic dal Fogolâr Civic si à dât dongje a Udin, alì dal storic Bar Alla Rocca insom di Marcjât Vieri par discuti sui intindiments dai sorestants di tornâ a meti man a chê zone storiche li e, in câs, su opinions e propuestis de clape su chel argoment specific. Ducj di acuardi su la idee di un paviment che al riclami almancul lis lidrîs de storie dal lûc e de citât o adiriture che le conti e che al segni un troi calcolât che al permeti culturalmentri di capî miôr la localitât. Su chest pont, a son stât plui di dut momentôs i discors chel dal dean, prof. Alberto Travain, e chei dai citadins Alfredo Maria Barbagallo e Giorgio Rigo.