VINARS AI 27 DI FEVRÂR 2015

“Tai rapuarts cul Citadin il Quirinâl al è salacor une des pocjis Istituzions che in Italie a funzionin dabon: une biele ‘stonade’ di creance e sapience, che no cancele però dal sigûr dute chê supierbie, slargjade, stacade e ofensive, di tante politiche e aministrazion viers de biade int” al à mutivât purpûr sodisfat il prof. Alberto Travain, dean dal Moviment Civic Culturâl Alpin-Adriatic dal Fogolâr Civic, ricevint un graciis par telegram dal President de Republiche in rispueste a salûts e auguris mandâts jù de Fradaie al on. Sergio Mattarella su la ocasion che si à instalât a Rome juste ben di Sorestant Parsore. La notizie e je stade dade a Udin, vinars ai 27 di Fevrâr 2015, intant des memoreazions dal ribalton di popul furlan de Joibe Grasse 1511, ogni an inviuladis dal Fogolâr Civic tant che monitori culturâl gjavât fûr de storie dal puest cuintri di ducj chei sorestants prepotents di ogni bande e epoche. “Tal 1511 la plebe furlane e je saltade sù cuintri dai potents de regjon par devant juste almancul cun chê di parâ un ‘bon guvier’ centrâl che al sigurave, vere o no vere, la int incuintri des angariis des ‘castis’ che a dominavin di tradizion: ce ‘bon guvier’ varessial di sintîsi clamât a poiâ in dì di vuê il Citadin?” al à concludût sibilin il prof. Travain.

Precedente VENERDÌ 27 FEBBRAIO 2015 Successivo FRIDAY, FEBRUARY 27TH, 2015