SABIDE AL 1N DI FEVRÂR 2014

Sabide al 1n di Fevrâr 2014 une delegazion dal Moviment Civic Culturâl Alpin-Adriatic dal Fogolâr Civic e à sfilât pes contradis di Udin dutune cu lis rapresentancis sociâls de Campanie tiradis dongje dal dot. Fernando Luisi, cu la intenzion di pandi ancje a la int de capitâl storiche furlane la disgracie ambientâl di chê “Tiere dai Fûcs”, che i disin cussì, che une volte e jere “Campania Felix” e cumò e je strussiade di pericolôs imbrois in pont dal scaric di tuessin des scovacis, dut in dam de publiche salût. Sot di un plovi a selis, la delegazion civistiche furlane e je lade in parade cul so tricolôr ispirât dai simbui di Aquilee e de Europe, testemoneant cussì, gjenerose, une fradilance di popul che e passe i confins regjonâi o statâi, costut ribatût, chel, po, intun intervent, dal so dean, prof. Alberto Travain, che al à fevelât di “resistence civîl glocâl” vâl a dî pardut di un movisi de int cuintri des “prepotencis” dal mont globalizât. La delegazion dal Moviment e jere formade dal dean prof. Travain, dal cancelîr siore Jole Deana e dai colaborants gjeom. Sergio Bertini, prof.e Renata Capria D’Aronco, sâr Franco Dorigo e tenôr Gianfranco Savorgnan.