DOMENIE AI 19 DI MARÇ 2017

Domenie ai 19 di Març 2017, tal inovâl de esecuzion tiraniche dal ultin puartebandiere de Patrie aquileiese, Marc di Murùs (1421), presonîr dai Venezians tes peresons dal Cjistiel di Udin, il moviment civic culturâl alpin-adriatic dal Fogolâr Civic e il circul universitari furlan de Academie dal Friûl a tornin a memoreâ compagn di ogni an, che dabon a son za 21 voltis, ducj chei che tai secui a àn dade la vite, te Europe fie di Aquilee e ator pal mont, par alt sens di dignitât e libertât di personis e popui. Cu la deposizion tradizionâl di rosis sui gatars des presons dal Cjistiel si rionç memorie po ancje dai zovins furlans Giulio Regeni e Michele Valentini, purpûr diferents martars ducj i doi des prepotencis e des imposturis dal mont di vuê. Si segnale il mes significatîf in lenghe taliane mandât su la ocasion dal sindic di Udin, prof. Furio Honsell: “Carissimi Soci del Fogolâr Civic e Illustre Presidente prof. Alberto Travain, purtroppo sono impossibilitato a partecipare personalmente alla significativa manifestazione in ricordo dei martiri antichi e recenti della nostra terra a causa di precedenti e improrogabili impegni. Esprimo a Lei a nome di tutta la città di Udine la stima e la riconoscenza per l’impegno del Fogolâr Civic a far memoria della nostra storia e pertanto attualizzare i valori di civiltà e solidarietà che la caratterizzano. Sono presente moralmente alla Vostra alta manifestazione”. Cheste iniziative in tancj agns e à mot l’interès e l’acet de plui motivade societât civîl dal Friûl.