“Zentilissim, chê note ca par figurâ il displasê dal Fogolâr Civic pal mancjât servizi di bus navete che al coleghe il Cjistiel cu la citât sot vie juste te uniche zornade dal an che Udinês e Furlans cetancj ancjemò a corin sù te glesie cjistielane di Sante Marie pe fieste tradizionâl di Sant Blâs cun par dongje la benedizion de gole, incuintri di devozion ma ancje plui a larc di culture, identitât, comunitât, significatîf tal lunari dal vivi locâl”. Ve il test de piçule note indreçade al Sindic di Udin dal dean dal Moviment Civic Culturâl Alpin-Adriatic dal Fogolâr Civic, prof. Alberto Travain, tal inovâl dai 3 di Fevrâr, memoreât ancje di chê fradaie li de sede sociâl dal Bar Savio, tal cjasament antîc dal “Hospitale” di Sante Marie de Misericordie.
EuroAquileienses
+ NOTIS DI LIBARE CULTURE CIVICHE DAL CÛR FURLAN DE MITTEL-EUROPE / NOTE DI LIBERA CULTURA CIVICA DAL CUORE FRIULANO DELLA MITTELEUROPA / NOTES OF FREE CIVIC CULTURE FROM THE FRIULIAN HEART OF CENTRAL EUROPE +
