VINARS AI 16 DI SETEMBAR 2016

Vinars ai 16 di Setembar 2016, il dean dal moviment civic culturâl alpin-adriatic dal Fogolâr Civic e in plui dal circul universitari furlan de Academie dal Friûl, prof. Alberto Travain, al à fate une conference ai Riçs di Udin titulade “Friulanità contro la Tirannide tra passato e presente, verità e retorica” (Furlanetât cuintri Tiranie tra une volte e cumò, veretât e cjacare) li che al è il circul culturâl chel di “Nuovi Orizzonti”, che lu vevin clamât chei dal Moviment di 5 Stelis di Tavagnà e Udin dentri di public incuintri sul cantin dal referendum prossim in pont de riforme de Costituzion taliane. “Jo, o dîs il vêr, o tornarès a fâ il referendum o plebissît chel di za fa 150 agns, che nus vevin clamâts a sielzi jenfri Austrie e Italie, ma cheste volte cun votazion segrete e cence cuintri sclopis di bersalîrs o di garibaldins!” al à dit cence scherçâ masse il caporion des dôs fradaiis furlanis.