Domenie ai 3 di Avrîl 2016, pai 939 agns de autonomie storiche furlane-aquileiese, fieste di Aquilee “Regjine dal Friûl”, il dean dal moviment civic culturâl alpin-adriatic dal Fogolâr Civic no cate dal circul universitari furlan de Academie dal Friûl, che al è il prof. Alberto Travain, e il tenôr Gianfranco Savorgnan, conseîr movimentâl ad hoc, ur àn spedide par pueste eletroniche ai “fogolârs” furlans di dut il mont une note in “marilenghe” in cont di une propueste di imni popolâr par dute la regjon dal Friûl Vignesie Julie di cumò, propueste za presentade di chês dôs fradaiis cualchi an indaûr cu la valide segnalazion de arie liriche “Cara Patria”, dediche verdiane ae Mari Aquilee, cantin che al met dongje lis diferentis identitâts che a son dentri te regjon di vuê.
NOTIZIE sociâl pe stampe taliane – Udin, 4.IV.2016
Domenica 3 aprile 2016, in occasione del 939° anniversario dell’autonomia storica friulano-aquileiese il presidente del Movimento Civico Culturale Alpino-Adriatico “Fogolâr Civic” nonché del Circolo Universitario Friulano “Academie dal Friûl”, prof. Alberto Travain, e il consigliere movimentale, tenore Gianfranco Savorgnan, hanno inviato elettronicamente ai “fogolârs furlans” di tutto il mondo la seguente nota in “marilenghe” relativa a una proposta di inno popolare per l’intera regione dell’odierno Friuli Venezia Giulia. Eccone, a seguire, il testo originale, indirizzato “al bon acet di sorestants e socis dai “fogolârs” furlans ator pal mont”. “Stimâts, la biele liende de Mari Aquilee, che e unive lenghis, popui e culturis, e pues ben unî ancje lis diferencis che vuê si incrosin dentri te misclice regjon moderne dal Friûl Vignesie Julie, par mût di dâi sens di comunitât che, se no, le mangjin. Ve che, inalore, l’aniversari dai 3 di Avrîl ven a stâi di Aquilee resuride dai timps barbarics, che lu veve parfin profetât Merlin strolic, e fate regjine de Furlanie e po dopo de Istrie, dal Cragn, di altris bandis di ca e di là de cjadene alpine – al è juste une fieste, cumò uficiâl, par unî tante int che e je dividude ma che in Aquilee e pues cjatâ di gnûf une bandiere antighe che le meti adun. …Al mancje, però, un imni di cjantâ insiemit: une bandiere fate di notis. Po ben, a son agns che si associazions che si firmin culì a predicjin e a batin che si cjapi sù, int e autoritâts, la plui nobile e ferbinte dediche che mai te liriche i vedin fate ae Mari Aquilee: la arie ‘Cara Patria’ de opare ‘Attila’ di Giuseppe Verdi, sul libret di Temistocle Solera, che al è un ciert ‘Foresto’ scjampât di Aquilee drazade dai Barbars che al brame di viodi a resurî la sô patrie tant che une fenîs che e rinven miôr di prin des boris dal so fûc. Si capìs che di cjantis furlanis popolârs e di autôr a ‘nd è tantis di bielis che a rapresentin za di fat la furlanetât. Ca, però, no si trate di rapresentâ la furlanetât nome, ma dute la regjon che i Furlans a son dentri. E propit li alore e covente Aquilee, une Aquilee no confin di Rome cuintri cualchidun, ma citât ideâl che e va ben par ducj. Une propueste, duncje, ai ‘fogolârs’ furlans sparniçâts pal mont: provait a dâ un cuc, a musiche e tescj, su chest sît web (www.aquileianova.eu) e scrivêtnus ce che o pensais. Se a coventin informazions in plui, ca che o sin. Viodìn mo, se si rive o no a meti dongje alc di bon par une regjon che, se no, cence anime, e je destinade nome a sei glotude. Buine fieste dai 3 di Avrîl!”.