JOIBE AI 11 DI AVOST 2016

Joibe ai 11 di Avost 2016, sot dal lôr dean prof. Alberto Travain, i confradis dal moviment civic culturâl alpin-adriatic dal Fogolâr Civic si son incuintrâts a Udin, in place, li dal storic Caffè Contarena, par vee part a une tabaiade cul soci Alfredo Maria Barbagallo, che al à fat un studi biel penç su la storie des relicuiis di Crist in Europe passant juste par Aquilee e il Friûl. Il studiôs roman al à batiât cun di fat chê citât mari antighe jenfri Alps e Adriatic par “un regjistradôr o ben par une machine fotografiche de Storie, spie di momentosis tapis ancje de vicende dal Cjaliç di Crist”. Des risultancis di chel saç massîf scrit di Barbagallo, titulât “I Tesori di San Lorenzo”, Aquilee e la regjon furlane si confermaressin tant che crosere de civiltât europeane e ocidentâl, scune par altri de liende dal Sant Graal.