JOIBE AI 31 DI DICEMBAR 2015

Cinc garofui tant che i cinc “cuintîrs” di Udin e dal Friûl dai timps dal lezendari Patriarcje Beltram, metûts dongje midiant di cinc grops, sperance di rignuvide union civiche e sociâl, par formâ juste un piçul mac poiât jù ogni ultin dal an alì di chê storiche crôs di Cjasemate, in mieç de campagne, a pene fûr de capitâl de Furlanie, dilunc de strade che une volte e menave bande bonât: une Crôs che, in plui di un fat di devozion, e je dal sigûr un cimeli preziôs des liendis popolârs su la figure di chel grant pastôr e princip di Aquilee, beniamin dai sempliçs e muart copât fûr tal 1350 di un complot di nobii, che al à di sei ben passât par chei lûcs, parsore di un rustic cjar di funerâl, co al à fat l’ultin viaç par tornâ tal “so” Udin. Si à ripetût cussì, ai 31 di Dicembar 2015, l’avôt sociâl di fin dal an di Moviment Civic Culturâl Alpin-Adriatic dal Fogolâr Civic e Circul Universitari Furlan de Academie dal Friûl ae mitiche “Crôs di Cjasemate”, memorie dal patriarcje medievâl Beltram di Saint Geniès, patron civic udinês e furlan. A son stadis di fat lis fradaiis che lis guide culturalmentri il prof. Alberto Travain chês che a son partidis tal 1999 cu la promozion popolâr plui innà dal zîr piçul locâl di un sens storic di ce valôr come antropologjie e significazion pussibil sociâl e civîl di cumò che al à pardassen chel manufat di devozion. Sôl che dopo des grandis manifestazions imbastidis in chei agns de Academie dal Friûl, che al jere dean in chê volte il chimic Victor Tosoratti, a son vignudis iniziativis di conservazion e invaloriment ancje istituzionâl dal sît! Compagnât di une delegazion dal consei e dal cuarp movimentâi formade dai citadins Sergio Bertini, Manuela Bondio, Marisa Celotti, Jolanda Deana, Luisa Faraci, Eugenio Pidutti, Luigina Pinzano, Gianfranco Savorgnan e Mirella Valzacchi, il dean Travain al è tornât sul puest juste par ripeti un mot sociâl di riverence cetant sintût “viers di une liende simpri in evolvisi, che di tancj secui e da dongje e indrece in ben la furlanetât chê miôr”.