La piçule targhe cui antîcs segnacui municipâi, proferide ogni an tal inovâl di fondazion urbane de capitâl de Furlanie storiche dal Moviment Civic Culturâl Alpin-Adriatic dal Fogolâr Civic e dal Circul Universitari Furlan de Academie dal Friûl ai “benemerits di Udin vignadiçs ‘forescj'” ven a stâi ai citadins preseâts natîfs di fûr de citât, che e veve di sei consegnade in place ai 13 di Setembar 2014, sot de Colone dal Marcjât Gnûf, ancje ben al stimât bons. Francesco Frezza di Nimis, “mai dismenteât pastôr jenfri i cuei orientâi dal Friûl, di passe dîs agns retôr preseât de capele ‘forensis’ udinese di Sant Jacum…”, che però chel nol veve podût presentâsi pe cerimonie che al jere juste convalessent par vie di un signestri, i è stade puartade, la dì 16 dopo, li de Fraternitât Sacerdotâl di Udin li che al jere ospit, di une delegazion formade dal dean di Fogolâr Civic e Academie dal Friûl, prof. Alberto Travain, dal capelan sociâl, pre Tarcisio Bordignon, e dal referent URP di chês dôs fradaiis, sâr Renato Chizzo. Il vieli bonsignôr al à ricevût, dabon emozionât, il ricognossiment, ricuardant cun ligrie tapis e liendis dal so lunc servizi pastorâl – tra i ricuarts plui famôs, lis cinc oris di viaç in Cinccent jenfri Segnà e Stocarde par lâ a cjatâ i emigrants furlans in Gjermanie e la grande colaborazion austriache te ricostruzion dal Friûl daûr dal taramot dal 1976 – e sigurant fiduciôs di tornâ in curt te sô centrâl sede di Place Sant Jacum a Udin.
EuroAquileienses
+ NOTIS DI LIBARE CULTURE CIVICHE DAL CÛR FURLAN DE MITTEL-EUROPE / NOTE DI LIBERA CULTURA CIVICA DAL CUORE FRIULANO DELLA MITTELEUROPA / NOTES OF FREE CIVIC CULTURE FROM THE FRIULIAN HEART OF CENTRAL EUROPE +
