Il Moviment Civic Culturâl Alpin-Adriatic dal Fogolâr Civic e il Circul Universitari Furlan de Academie dal Friûl, che a àn di president il prof. Alberto Travain, a laudin, intune note, la sielte dal zovin puartîr furlanon dal Udin, Simone Scuffet, di parâ indaûr pal moment ciertis buinis profiertis forestis e restâ ancjemò te scuadre che e puarte i colôrs de capitâl furlane. “Un esempli di serietât – al à motivât il prof. Travain – in cont di prospetivis di formazion di vite e cariere che a son no propagande ma liende ‘vivude’ de furlanetât, une furlanetât usade a fâ sù su fondamentis saldis, che di un tant e ven, si viôt, la decision dal fantat di finî i studis superiôrs prin di svolâ tal firmament dal sport. Bon aiar, Scuffet!”.
EuroAquileienses
+ NOTIS DI LIBARE CULTURE CIVICHE DAL CÛR FURLAN DE MITTEL-EUROPE / NOTE DI LIBERA CULTURA CIVICA DAL CUORE FRIULANO DELLA MITTELEUROPA / NOTES OF FREE CIVIC CULTURE FROM THE FRIULIAN HEART OF CENTRAL EUROPE +
