VINARS AI 30 DI ZENÂR 2015

Vinars ai 30 di Zenâr 2015 une comission dal Moviment Civic Culturâl Alpin-Adriatic dal Fogolâr Civic che a jerin dentri il dean prof. Alberto Travain, i conseîrs teritoriâi gjeom. Sergio Bertini, dot. Carlo Alberto Lenoci, sâr Francesco Nicolettis, tenôr Gianfranco Savorgnan e sâr Adriano Zoccolo colaborant, e à metût fûr pai ambients dal Centri Storic di Udin un stampât par riclamâ il Citadin su un costum miserant talian e magari cussì no ancje furlan, che al è simpri plui difondût su tancj fronts de vite sociâl, economiche e politiche, che al è chel di suplî cence un parcè la lenghe nazionâl cul inglês. “To the people of Udine and Friuli…” vâl a dî “A la int di Udin e dal Friûl, che no i ten masse a la marilenghe…”: ve chi la dediche provocatorie dal volantin. “’Jobs Act’? ‘Privacy’? ‘Welfare’? Te Europe a misdì des Alps, cjapant dentri ancje Udin, nancje lis licuidazions di stagjon no si scrivilis plui in lenghe nazionâl! ‘Sales’? Ve che o sin daûr a stupit vie a svendi la identitât e la dignitât e no podìn nancje daûr la colpe, che o sin usâts, ai migrants che a rivin!”. E je cussì: parfin tal cûr de capitâl furlane, e cence che nancje un sbrendul di leç si le aplichi a pro di un dirit locâl, teritoriâl, di capî e di vee une lenghe sô proprie. “Pal amôr di Diu, nuie cuintri Inglês o Merecans o cuintri di une lenghe che, insiemit cul altris in plen slargjâsi, e pues sei sigûr valide ‘cerniere’ internazionâl. Cuintri, invezit, dal dut su chel ciert ritirâsi linguistic dibant e maldecorôs che al piture ben ce che l’amôr propri di Talians e Furlans, juste buladis di fevelâ tecnic o ben zovanîl che a butin di bande, in finâl dai conts, cui che a cjase sô al scuen vê dirit di ‘vivi locâl ‘ cence sei sfuarçât di imparâ l’inglês o altris lenghis ‘oltranis’” al à dit Travain che po al à zontât: “Chê culì e je colonizazion, no globalizazion!”. Chel mes alì dal Fogolâr Civic, dât fûr pai ambients de citât storiche di Udin, al veve lis firmis dal coordenadôr gjenerâl e regjonâl di chê clape, prof. Travain, e dai conseîrs teritoriâi Sergio Bertini (Cuintîr I: Udin “Marcjât Vieri” e Friûl Orientâl), Carlo Alberto Lenoci e Maria Luisa Ranzato (Cuintîr II: Udin “Aquilee” e Basse Furlane), Gianfranco Savorgnan (Cuintîr III: Udin “Marcjât Gnûf” e Friûl Centrâl), Francesco Nicolettis (Cuintîr IV: Udin “Glemone” e Alte Furlane), Giuseppe Capoluongo e Renata Capria D’Aronco (Cuintîr V: Udin “Graçan” e Friûl Ocidentâl).